گوجرانوالہ (نمائندہ خصوصی) نجی کالجز کے طلبا کے دو گروپوں میں تصادم‘ فائرنگ کے نتیجہ میں ایک طالب علم جاں بحق جبکہ ایک شدید زخمی ہو گیا۔ تفصیلات کے مطابق تھانہ سول لائن کے علاقہ میں نجی کالجز کے طلباء کے دو گروپوں میں تصادم ہوا۔ چند طلباء نے فائرنگ کر دی۔ جس کے نتیجہ میں گرین ٹائون کا منیب ٹانگ میں دو فائر لگنے سے شدید زخمی جبکہ سیالکوٹ بائی پاس کا رہائشی عمیر جاں بحق ہو گیا۔ واقعہ کے بعد ملزم موقع سے فرار‘ پولیس کی بھاری نفری موقع پر پہنچ گئی اور تحقیقات کا آغاز کر دیا۔ پولیس کا کہنا ہے طلباء میں جھگڑے کی وجہ ابھی معلوم نہیں ہو سکی۔ نعش اور زخمی طلباء کو ڈی ایچ کیو ہسپتال منتقل کر دیا گیا۔