لاہور ( سپورٹس ڈیسک ) ہسپانوی فٹبال لیگ لالیگا میں ریو ویلیکانو نے اسپانیول، ایلچے نے کاڈیز اور والنسیا نے سیلٹاویگو کو ہرا دیا۔ لالیگا کے سنسنی خیز مقابلوں کا سلسلہ سپین میں جاری ہے۔ ویلیکاس سٹیڈیم میں کھیلے گئے لیگ میچ میں ریو ویلیکانو نے اسپانیول کو سخت مقابلے کے بعد ایک صفر سے ہرا دیا۔ فاتح ٹیم کی طرف سے لینڈرو کیبریا نے واحد اور فیصلہ کن گول سکور کیا۔ ایک اور میچ میں والنسیا نے سیلٹاویگو کو دلچسپ مقابلے کے بعد 1-2 سے شکست دے دی۔