وہاڑی(کرائم رپورٹر‘ خبر نگار‘ نامہ نگار ) ڈی سی کمپلیکس سے قائداعظم کے مجسمے سے عینک چوری ہونے کا معاملہ پر تھانہ دانیوال میں دفعہ 379ت پ کے تحت مقدمہ نمبر 675/21 درج کر دیا گیا اور قائداعظم کے مجسمے پر نئی عینک لگا دی گئی ہے ڈپٹی کمشنر محمد خضر افضال چوہدری نے کہا کہ مجسمہ کی حفاظت کیلئے بہتر انتظامات کئے جائیں گے قائد اعظم کے مجسمے کے اطراف کے جنگلے کو مزید اونچا کیا جائے گا قائداعظم کے مجسمے کی حفاظت کیلئے ملازمین کو ہدایات جاری کر دی گئی ہیں ڈپٹی کمشنر وہاڑی محمد خضر افضال چوہدری نے کہا کہ دھند اور اندھیرے کی وجہ سے مجسمے سے عینک چوری کی گئی سی سی ٹی وی فوٹیج کے ذریعے پڑتال جاری ہے واقعہ میں ملوث ملزمان تک جلد پہنچ کر کیفر کر دار تک پہنچایا جائے گا آئندہ کسی کو ایسی حرکت کرنے کی جرات نہ ہو۔