اسلام آباد(نا مہ نگار)ینگ پارلیمنٹرین فورم کے انتخابات جو 13دسمبر کو منعقد ہونے تھے اب 23دسمبر بروز جمعرات پارلیمنٹ ہاؤس میں ینگ پارلیمنٹرین فورم کے پیٹرن، ڈپٹی سپیکر قومی اسمبلی قاسم خان سوری کے چیمبر میں منعقد ہونگے۔ پولنگ کا وقت صبح 9بجے سے شام 5بجے تک ہو گا۔ ینگ پارلیمنٹرین فورم کے انتخابات میں تبدیلی اسلامی ممالک تنظیم (او آئی سی)کے وزرائے خارجہ کی پاکستان میں منعقد ہونے والی کانفرنس اور قومی اسمبلی کے اجلاس کے شیڈول میں تبدیلی کی وجہ سے کی گئی ہے۔ڈپٹی سپیکر قومی اسمبلی قاسم خان سوری نے ینگ پارلیمنٹرین فورم کے انتخابات میں حصہ لینے والے امیدواروں کے حتمی فہرست کی بھی منظوری دے دی ہے۔