گوجرانوالہ (نمائندہ خصوصی) آشنا کی فرمائشیں پوری کرتے کرتے عاشق ڈاکو بن گیا۔ اسد نامی نوجوان کا کراچی سے تعلق رکھنے والی لڑکی کے ساتھ فون پر رابطہ ہوا، لڑکی اکثر اسد کو مختلف چیزیں بھجوانے کی ڈیمانڈ کرتی جسے وہ پورا کر دیتا، اس مرتبہ اس نے مہنگے موبائل فون کی فرمائش کر دی، جس پر اسد نے اپنے ساتھی بلال کے ہمراہ جناح روڈ پر شہری سے گن پوائنٹ پر ساٹھ ہزار روپے، موبائل فون اور موٹر سائیکل چھینی‘ تھانہ دھلے پو لیس نے موبائل لوکیشن کے ذریعے ملزمان کو شاہدرہ سے گرفتار کر لیا۔ دوران تفتیش اسد نے پولیس کو بتایا کہ لڑکی نے آئی فون پرومیکس مانگا تھا جس کیلئے اس کے پاس پیسے نہیں تھے۔ پولیس نے مقدمہ درج کر لیا ہے۔