اسلام آباد (خبرنگار خصوصی) رینجرز کیڈٹ کالج چکری میں گزشتہ دنوں سپورٹس گالہ منعقد کیا گیا۔ کھیلوں کے اس رنگا رنگ میلے میں ریجنرز کیڈٹ کالج چکری کے جناح ہائوس، اقبال ہائوس، سرسید ہائوس اور لیاقت ہائوس کے سینئر کیڈٹس نے بھرپور حصہ لیا۔  کیڈٹس کے مابین کرکٹ، فٹ بال، باسکٹ بال، بیڈمنٹن، ٹیبل ٹینس، والی بال، ایتھلیٹکس اور ٹگ آف وار کے مقابلے منعقد ہوئے۔ آر سی سی میں اپنے قیام کے بعد یہ پہلا سپورٹس گالہ تھا، مقابلوں کے آخری روز تقسیم انعامات کی ایک  تقریب بھی منعقد کی گئی۔ تمام کیڈٹس نے ان کھیلوں میں بھرپور شرکت کی۔ مقابلوں کے اختتام پر پوزیشن حاصل کرنے والے کیڈٹس میں پرنسپل بریگیڈئر (ر) ندیم اختر حسین ستارہ امتیاز (ملٹری) نے ٹرافی، میڈلز، سرٹیفیکیٹس اور دیگر انعامات تقسیم کئے۔