ویمنز ٹی ٹونٹی ٹورنامنٹ ‘بلاسٹرز‘چیلنجرز کی ٹیمیں کامیاب

لاہور(سپورٹس رپورٹر) ویمنز ٹی ٹونٹی ٹورنامنٹ کے میچ میں بلاسٹرز نے ڈائنا مائٹس کو پانچ رنز سے شکست دے دی۔ ڈائنا مائٹس نے بلاسٹرز کو پہلے کھیلنے کی دعوت دی۔ بسمہ معروف کے 48 گیندوں پر ناقابل شکست 60 رنز کی بدولت بلاسٹرز نے سات وکٹوں پر 136 رنز بنائے۔ اوپننگ بیٹر شوال ذوالفقار نے 21 رنز بنائے۔ ڈائنامائٹس کی کپتان ام ہانی نے دو وکٹیں حاصل کیں۔ ڈائنامائٹس کی ٹیم تین وکٹوں پر 131 رنز بنا سکی۔ ناہیدہ خان نے 70 رنز بنائے۔ ندا ڈار نے 38 رنز بنائے۔ بسمہ معروف پلیئر آف دی میچ قرار پائیں۔ چیلنجرز نے سٹرائیکرز کو ایک رن سے ہرایا۔ چیلنجرز نے 8 وکٹوں پر  115 رنز بنائے۔ ایمن انور نے  16 رنز ناٹ آوٹ اور جویریہ خان نے 16 رنز بنائے۔ فاطمہ خان نے تین کھلاڑیوں کو آوٹ کیا۔ سٹرائیکرز کی ٹیم سات وکٹوں پر 114 رنز بنا سکی۔ نتالیہ پرویز نے 28 اور سیدہ عروب شاہ نے 26 رنز ناٹ آوٹ بنائے۔ ایمن انور پلیئر آف دی میچ قرار پائیں۔