قومی ویمنز تربیتی کیمپ کیلئے 34فٹبالرز کا اعلان

لاہور(سپورٹس رپورٹر)پاکستان فٹبال فیڈریشن نے قومی ویمنز تربیتی کیمپ کیلئے 34فٹبالرز کا اعلان کردیا، ٹریننگ کا سلسلہ 8 دسمبر بروزجمعرات لاہور میں شروع ہوگا۔منتخب پلیئرز میں گول کیپرز نشا اشرف، رومیسا خان، حدیقہ ظفر، فاطمہ ناز اور مافیہ پروین، مڈ فیلڈرز ماریہ خان، علینہ اصفھانی، علینہ اکرم، علیزہ صابر، آمنہ حنیف، امل خان، انوشے عثمان، ماروی بیگ، رامین فرید، رقیہ فرحین، صنوبر ستار، سوہا ہیرانی اور زہمینہ ملک، فارورڈز نادیہ خان، عالیہ صادق، انمول ہیرا، کائنات عبدالغنی، نادیہ شمس، نقیہ علی اور زویا ذیشان، ڈیفینڈرز ملیکہ نور، ایشال فیاض، ایشل شیخ، مشال بھٹی، نزالیہ صدیقی، سحر زمان، صاحبہ شیردل، سارہ خان اور صوفیہ قریشی شامل ہیں،پاکستان ویمنز ٹیم2023 کی پہلی بین الاقوامی مصروفیت کا آغاز جنوری میں سعودی عرب کے شہر دمام میں شیڈول 4ملکی ٹورنامنٹ سے کریگی،ایونٹ 11 سے 19 جنوری تک چلے گا۔