حضرو (نمائندہ نوائے وقت) مسلم لیگ ن پنجاب کے سینئر نائب صدر شیخ آفتاب احمد نے کہا ہے کہ میاں محمد نواز شریف بہت جلد پاکستان آرہے ہیں قوم ان کا تاریخ ساز استقبال کریگی دورہ لندن کے دوران میاں محمد نواز شریف ،مریم نواز سے ملاقات کے دوران میاں نواز شریف نے سابقہ حکومت کی ناکام پالیسیوں کی وجہ سے ہونے والی خرابیوں کا ذکر کیا میاں محمد نواز شریف کا دل پاکستانی قوم کیلئے دھڑکتا ہے صحت یابی کے بعد جلد وطن واپس آئیں گے آنے والا دور مسلم لیگ ن کا ہے ان خیالا ت کا اظہار انہوں نے لندن سے وطن واپسی پر میڈیا کے نمائندوں سے گفتگو کرتے ہوئے کیا شیخ آفتا ب احمد نے کہا کہ جس طرح میاں محمد نواز شریف نے لندن میں ہمارا استقبال کیا محسوس ہی نہیں ہوتا تھا کہ وہ لندن میں ہیں یا پاکستان میں انہوں نے کہا کہ میاں محمد نواز شریف کا اگر راستہ نہ روکا جاتا تو آج ملک ترقی یافتہ ہو تا نیازی حکومت نے جو ملک و قوم کا حال کیا وہ سب کے سامنے ہے آج جس طرح اتحادی حکومت ملکی مسائل حل کرنے کیلئے کوشاں ہے اس کی مثال نہیں ملتی میاں نواز شریف اور میاں شہباز شریف قوم کے دلوں کی دھڑکن ہیں ۔