ٹنڈوالہ یار (نامہ نگار) ٹنڈوالہ یار میں روڈ کنارے پناہ لئے  بارش متاثرین پر ایک اور قیامت ٹوٹ پڑی, گنے سے بھرا ٹرک الٹ گیا ماں دو بیٹیوں سمیت دب کر ہلاک  ایک زخمی  ہوگئیں۔ تفصیلات کے مطابق  ٹنڈوالہ یار کے چمبڑ روڈ پر واقع رام بستی کے مقام پر روڈ کے کنارے پر پناہ لئے بارش متاثرین پر اس وقت قیامت ٹوٹ پڑی جب وہاں سے گزرنے والا تیز رفتار  گنے سے بھرا ٹرک الٹ گیا جسکے نتیجے میں 10 سالہ شریمتی  جمنا، 7 سالہ شریمتی  چمپا اور انکی ماں ٹرک تلے دب کر موقع پر ہی  ہلاک ہوگئیں۔  4 سالہ شانتی بھی شدید زخمی ہوگئے، واقعے کے بعد ٹرک ڈرائیور موقع سے فرار ہونے میں کامیاب ہوگیا، واقعے کی اطلاع پر چمبڑ پولیس نے جائے وقوعہ پر پہنچ کر لاشوں کو تحویل میں لیا اور زخمی بچی کو تشویشناک  حالت میں  سول اسپتال منتقل کیا۔ موقع پر حادثے کے شکار خاندان نے صحافیوں کو بتایا کہ گذشتہ چار (4) ماہ سے ہم روڈ کے کنارے پناہ لئے ہوئے ہیں ہماری بستی رام بستی بارش کے پانی سے تاحال ڈوبی ہوئی ہے ہم شدید سردی میں بھی روڈ کے کنارے بیٹھے ہوئے ہیں ۔پولیس نے مذکورہ افسوس واقع کی رپورٹ درج کرکے تفتیش شروع کردی۔ 
متاثرین قیامت