لاہور(سپورٹس رپورٹر)پاکستان کرکٹ بورڈ کے مطابق پاکستان سپر لیگ کے نویں ایڈیشن کے ڈرافٹ کیلئے 22 ممالک کے 485 غیر ملکی کھلاڑیوں نے رجسٹریشن کروالی ہے۔پلاٹینم کیٹیگری میں 46،  ڈائمنڈ کیٹیگری میں 76 غیر ملکی کھلاڑیوں نے رجسٹریشن کروائی۔انگلینڈ کے 158 ، ویسٹ انڈیز کے 58، سری لنکا کے 40، افغانستان کے 36 اور جنوبی افریقہ کے 30 ‘بنگلہ دیش کے 21، نیوزی لینڈ کے 18، آسٹریلیا 16، زمبابوے 11 اور آئرلینڈ کے 9 کھلاڑیوں نے رجسٹریشن کرائی ہے ۔ آئی سی سی ٹی ٹونٹی رینکنگ میں ٹاپ 10 میں رہنے والے کھلاڑیوں نے بھی رجسٹریشن کروائی۔پی سی بی کا کہنا ہے کہ ڈیوڈ میلان، ریزا ہینڈریکس‘مہیش تھیکشانے، فضل حق فاروقی، مجیب الرحمٰن‘ عقیل حسین نے رجسٹریشن کروائی۔ آئی سی سی ایسوسی ایٹ ممالک کے کھلاڑیوں نے بھی رجسٹریشن کروائی۔  پلاٹینم کیٹیگری میں ایشٹن ایگر، رحمان اللہ گرباز، بین ڈکٹ ، لیوک ووڈ جیسے معروف کرکٹرز شامل ہیں۔ ڈرافٹنگ 13 دسمبر کو لاہور میں ہو گی۔