باجوڑ میں جاری لائن ہارٹ نامی آپریشن کے دوران آج سیکورٹی فورسزنے مختلف علاقوں میں بھاری توپخانوں اورمارٹر گنوں سے شدت پسندوں کے مشتبہ ٹھکانوں کو نشانہ بنایا ۔ جبکہ ایجنسی ہیڈ کوارٹرخارسے تین کلومیٹر دور صدیق آباد ، رحمان آباد اورعنایت قلعہ نامی اہم علاقوں پردوبارہ کنٹرول حاصل کرلیا ہے ۔ سکیورٹی فورسز کی تحصیل ماموند کی طرف پیش قدمی جاری ہے ۔ ادھر پولیٹیکل انتظامیہ نے باجوڑ ایجنسی کے علاقے شندی مور ، صدیق آباد ، نویکلی، بلال آباد اورعنایت قلعہ میں آج صبح سات بجے سے غیر معینہ مدت کے لیے نافذ کر دیا ہے ۔ دوسری طرف شدت پسندوں نے تحصیل ملارزئی کے علاقے باٹوار میں ہائی سکول کو دھماکہ خیز مواد سے اڑا دیا ۔ تحصیل ماموند میں ممکنہ آپریشن کے باعث علاقے سے عوام کی بڑے پیمانے پر نقل مکانی شروع ہے ۔