پنجاب میں لاہور،شیخوپورہ،سیالکوٹ، بھیرہ،داجل اور دیگرمقامات کے علاوہ صوبہ خیبرپختونخوا اور بلوچستان کے مختلف شہروں میں بھی بارش ہوئی جس کے بعد موسم سرد ہوگیا، راولپنڈی اور اسلام آباد میں اتوارسے وقفے، وقفے سے ہلکی بوندا باندی کا سلسلہ جاری رہا۔مری اوردیگرعلاقوں سے برفانی ہواؤں کی وجہ سے اسلام آباد میں سردی کی شدت میں اضافہ ہوگیا ہے، بٹ گرا کی تحصیل الائی میں برفباری اور لینڈ سلائیڈنگ کی اطلاعات موصول ہوئی ہیں جبکہ سوات میں بالائی علاقوں میں برف باری سے سردی بڑھ گئی ہے۔