روس کی ٹیم نے ماسکو میں کھیلے گئے کوارٹر فائنل میں تین دو سے کامیابی حاصل کی۔ پہلے دونوں سنگلز میچ ہارنے کے بعد اناستیسیا اور سویتلانہ پر مشتمل روس کی جوڑی نے فرانس کی جولی کوئن اور الیزے کورنیٹ کے خلاف سٹریٹ سیٹس میں سات چھ اور چھ صفرسے کامیابی حاصل کی۔ اس کے بعد سویتلانہ نے پہلے ریورس سنگلز میں ورجنی روزانو کو دلچسپ مقابلے کے بعد چھ چاراورچھ چار سے شکست دی جس کے بعد ٹائی دو، دو سے برابر ہوگئی۔ فیصلہ کن ریورس سنگلزمیں نوجوان ٹینس سٹار اناستیسیا نے الیزے کورنیٹ کے خلاف سخت مقابلے کے بعد تین چھ، چھ تین اور چھ دو سے کامیابی حاصل کی اور اپنی ٹیم کو سیمی فائنل میں پہنچا دیا جہاں اس کا مقابلہ اٹلی کی ٹیم سے ہوگا۔