سولجربازارالیبلا سنگنل کے قریب فائرنگ سے ایک شخص جاں بحق ہوگیا، نارتھ کراچی میں فورجے کے آخری اسٹاپ کے قریب نامعلوم افراد کی فائرنگ سے پینتیس سالہ فرحان بیگ نامی شخص جاں بحق ہوگیا جس کی لاش کوعباسی اسپتال منتقل کیا گیا، پولیس کے مطابق مقتول سیاسی جماعت کا کارکن تھا۔ پرانا حاجی کیمپ میں ٹمبر مارکیٹ کے قریب نامعلوم افراد کی فائرنگ سےتیس سالہ شخص جاں بحق ہوگیا ادھرگارڈن میں چڑیا گھر کے قریب رکشے سے دو افراد کی بوری بند لاشیں ملیں جنہیں سول اسپتال منتقل کیا گیاہے ہلاک ہونے والے دونوں افراد کی شناخت نہیں ہوسکی ہے۔ پولیس کے مطابق مقتولین کو اغوا کے بعد گولیاں مارکر قتل کیا گیا ہے۔نیوکراچی ایوب گوٹھ سےبھی پھندا لگی لاش برآمد ہوئی ہے،گولیمار پیتل گلی میں نامعلوم افراد کی فائرنگ سے ایک شخص جاں بحق ہوگیا جسکی لاش کو سول اسپتال منتقل کیا گیاہے۔ ۔ دوسری جانب کلفٹن بلاک نو میں پولیس کی بھاری نفری نے مشتبہ افراد کی موجودگی کی اطلاع پر آشیانہ اپارٹنمنٹ میں سرچ آپریشن کیا۔ آپریشن کے دوران چار افراد کو حراست میں لیا گیا تھا، جس میں ایک پولیس اہلکار بھی شامل تھا تاہم ابتدائی پوچھ گچھ کے بعد پولیس اہلکار کو چھوڑ دیا گیا۔ آپریشن کے دوران کسی قسم کا اسلحہ برآمد نہیں کیا جاسکا۔