کراچی کے علاقے ہاکس بے روڈ پر نامعلوم افراد نے دکان پر فائرنگ کرکے ذیشان اورشکیل نامی افراد کو جاں بحق کردیا، مقتولین دونوں بھائی ہیں سولجربازارالیبلا سگنل کے قریب فائرنگ سے ذیشان نامی ایک شخص جاں بحق ہوگیا جبکہ ملیرسعود آباد میں بھی نامعلوم افراد نے گولیاں مارکرایک شہری کوقتل کردیا، نارتھ کراچی میں فورجے کے آخری اسٹاپ کے قریب نامعلوم ملزمان نے فائرنگ کرکے پینتیس سالہ فرحان بیگ کوموت کے گھاٹ اتاردیا، ادھرگولی مارپیتل گلی میں بھی فائرنگ سے وسیم صدیقی نامی شخص کی جان لے لی گئی، پرانا حاجی کیمپ میں ٹمبرمارکیٹ کے قریب نامعلوم افراد کی فائرنگ سےتیس سالہ شخص جاں بحق ہوگیا ادھرگارڈن میں چڑیا گھر کے قریب رکشے سے دو افراد کی بوری بند لاشیں بھی برآمد ہوئیں جن کی شناخت نہیں ہوسکی۔دوسری جانب کلفٹن بلاک نو میں پولیس کی بھاری نفری نے مشتبہ افراد کے خلاف سرچ آپریشن کیا، اس دودران چارافراد کوحراست میں لیا گیا ملزمان میں ایک پولیس اہلکاربھی شامل تھا تاہم ابتدائی پوچھ گچھ کے بعد پولیس اہلکارکوچھوڑدیا گیا۔ ادھر ایسٹ زون پولیس نے جرائم پیشہ افراد کے خلاف کریک ڈاون کرتے ہوئے پینتیس مفرور ملزمان سمیت پچاس ملزمان گرفتار کرلیئے ملزمان کے قبضے سے 6 پستول،10 موبائل فون، موٹر سائیکل اور نقدی برآمد