شکر گڑھ (نامہ نگار) ممتاز عالم دین علامہ محمد الیاس خطیب جامع مسجد چھمال خطبہ جمعة المبارک دیتے ہوئے جہان فانی سے کوچ کرگئے۔ دوران خطبہ اچانک انہیں دل کا دورہ پڑا جس کے باعث وہ خالق حقیقی سے جا ملے۔ انہیں سینکڑوں سوگواروں کی موجودگی میں گاﺅں کے مقامی قبرستان میں سپرد خاک کر دیا گیا۔ نماز جنازہ میں لالہ منیر احمد ملک، ملک فریاد، جاوید اختر بشیری، ملک اسحاق، جاوید فجر سمیت علاقہ کی اہم شخصیات نے کثیر تعداد میں شرکت کی۔