لاہور پریس کلب کے باہر نادرا ایمپلائز یونین کے زیر اہتمام ایک بھوک ہڑتالی کیمپ لگایا گیا ہے جسے آج پانچواں روز ہے۔  یونین رہنماوں کا کہنا ہے کہ ڈی جی کی جانب سے مطالبات کے حق میں احتجاج کرنے والے ملازمین کو شوکاز نوٹس جاری کیے جا رہے ہیں جو ملازمین کے ساتھ ناانصافی ہے ۔ رہنماوں کا کہنا ہے کہ ابھی تک نادرا میں سروس سٹرکچر فائنل نہیں کیا گیا جس کی وجہ سے ملازمین ترقی کا انتظار کرتے کرتے بوڑھے ہو جاتے ہیں جبکہ تنخواہوں کا معاملہ بھی حل طلب ہے۔ انہوں نے انتظامیہ کو وارننگ دی کہ دوسرے مرحلے میں سات مارچ کو ٹرین مارچ ہوگا اور نادرا ہیڈ کوارٹر  کے سامنے دھرنا دیا جائے گا ، تیسرے مرحلے پر پاکستان بھر کے ملازمین شٹرڈاون ہڑتال کریں گے۔