کراچی: میٹروول کے گودام میں خوفناک آتشزدگی‘ لاکھوں کا سامان خاکستر

کراچی (کرائم رپورٹر) میٹروول سائٹ میں گودام میں خوفناک آتشزدگی کے نتیجے میں لاکھوں روپے مالیت کا سامان جل گیا۔ گودام میں خشک میوہ جات‘ دھاگہ اور اجناس کے علاوہ پلاسٹک کے کھلونے بھی موجود تھے۔ آگ پیر کی سہ پہر لگی جس نے دیکھتے ہی دیکھتے گودام کی پوری عمارت کو اپنی لپیٹ میں لے لیا‘ تاہم اس دوران گودام میں موجود افراد اپنی جان بچا کر نکلنے میں کامیاب ہوگئے جبکہ اطلاع ملنے پر فائربریگیڈ کے عملے نے موقع پر پہنچ کر آگ بجھانے کی کارروائی شروع کی‘ تاہم آگ کی شدت کے پیش نظر نہ صرف مزید فائر ٹینڈرز بلکہ واٹر ٹینکرز کو بھی طلب کر لیا گیا اور آگ پر مسلسل کئی گھنٹوں کی جدوجہد کے بعد قابو پایا جا سکا۔