لاہور (نمائندہ سپورٹس +سپورٹس رپورٹر ) پاکستان کرکٹ بورڈ کے زیر اہتمام ریجنل ون ڈے کرکٹ ٹورنا منٹ میں اسلام آبادنے پشاور ‘فیصل آباد نے لاہور بلیوز ‘کراچی وائٹس نے لاہور وائٹس جبکہ راولپنڈی نے فاٹا کو شکست دیدی ۔ اسلام آباد نے عابد علی کی ناقابل شکست ڈبل سنچری کی بدولت ایک وکٹ کے نقصان پر 374رنز بنائے۔عابد علی نے ناقابل شکست209رنز ‘فیضان ریاض نے ناقابل شکست76رنز بنائے ۔ کپتان شان مسعود71رنز بناکرآئوٹ ہوئے۔واحد وکٹ عمران خان نے حاصل کی ۔ جواب میں پشاورکی ٹیم 38اوورز میں 141رنز پر ڈھیر ہو گئی ۔نبی گل بیالیس رنز بناکر نمایاں رہے ۔ 6کھلاڑی ڈبل فیگر میں بھی داخل نہ ہوسکے ۔ شاہد یوسف نے تین ‘رضا حسن ‘نعمان علی اور احمد بشیر نے دو دو کھلاڑیوں کو آئوٹ کیا ۔لاہور بلیوز نے فیصل آباد کے خلاف 235رنز بنائے۔محمد سعد نے 89رنز بنائے۔محمد عمران نے تین کھلاڑیوں کو آئوٹ کیا ۔ فیصل آباد نے ہدف سات وکٹوں کے نقصان پرپورا کرلیا ۔کپتان کامران شہزاد77‘محمد عمران55رنز بناکر نمایاں رہے۔فیصر اشرف نے تین کھلاڑیوں کو آئوٹ کیا ۔ لاہور وائٹس نے کراچی وائٹس کے خلاف8وکٹوں کے نقصان پر 239رنز بنائے۔عثمان صلاح الدین 92 رنز بناکر نروس نائنٹیز کا شکار ہوئے ‘ عمر صدیق61رنز بناکر نمایاں رہے۔محمد اصغر نے تین کھلاڑیوں کوآئوٹ کیا ۔ کراچی وائٹس نے ہدف ایک وکٹ پرپورا کرلیا ۔خرم منظور143رنز پر ناقابل شکست رہے ۔کپتاناسد شفیق 71رنز بناکر آئوٹ ہوئے ۔ فاٹا نے راولپنڈی کے خلاف8وکٹوں کے نقصان پر 320رنز بنائے ۔مختار احمد77‘کپتان فواد خان 52اور خوش دل شاہ 96رنز بناکر نمایاں رہے ۔یاسر علی اور سعود شکیل نے دو دو کھلاڑیوں کو آئوٹ کیا ۔ راولپنڈی نے ہدف پانچ وکٹوں کے نقصان پرپورا کرلیا ۔افتخار احمد91رنز بناکر آئوٹ ہوئے ۔ سعود شکیل 134رنز پر ناقابل شکست رہے ۔سہیل اختر نے دو کھلاڑیوں کو آئوٹ کیا ۔