کراچی(اسپورٹس رپورٹر ) پاکستان ویٹرن کرکٹ ایسوسی ایشن کے زیر اہتمام 19واں نیشنل سینئرز کرکٹ کپ سائوتھ زون کے میچز 10فروری سے شروع ہوں گے جبکہ فائنل 22اپریل کو کراچی میںہوگا۔ٹورنامٹ کی کل انعامی رقم 6لاکھ 94ہزار روپے ہے۔اس بات کا اعلان چیئرمین پاکستان ویٹرن کرکٹ ایسوسی ایشن فواد اعجاز خان کے کراچی جم خانہ میں پریس کانفرنس سے خطاب کرتے ہوئے کیا۔اس موقع پر اسپانسر عمر ایسوسی ایٹس ندیم عمر،کراچی جم خانہ کے صدراکبراقبال پوری،عالمگیر احمد،عبدالحق،شارق مجاہداور دیگر موجودتھے ۔فواد خان نے بتایا کہ ٹورنامنٹ کا سلسلہ1990ء سے شروع کیا تھا،جو اب تک جاری ہے۔ٹورنامنٹ میں پورے ملک سے 310ٹیمیں شرکت کررہی ہیں۔انہوں نے کہا کہ سائوتھرن زون کے میچز 10فروری سے شروع ہوں گے۔افتتاحی میچ نیاناظم آباد کرکٹ گرائونڈپر گولڈ برج سینئرز اور لکی نٹس سینئرز کے درمیان کھیلا جائے گا۔