لاہور (وقائع نگار خصوصی) لاہور ہائیکورٹ نے پبلک سیکٹر میں پنجاب حکومت کی 56 کمپنیوں میں مبینہ کرپشن کے خلاف دائر درخواست پر تمام فریقین کو فروری کے آخری ہفتے میں حتمی بحث کے لیے طلب کر لیا۔ جسٹس شاہد کریم نے محمد اظہر صدیق اور شیراز ذکاء ایڈووکیٹس سمیت دیگر کی درخواستوں پر سماعت کی جس میں 56 کمپنیوں کی تشکیل اور ان میں کرپشن کے الزامات لگائے گئے ہیں۔کارروائی کے دوران تمام کمپنیوں نے جواب عدالت میں جمع کرا دیا۔ درخواست گزار وکلا نے یہ قانونی نکتہ اٹھایا کہ شیڈول چار کے تحت 56 کمپنیوں کی تشکیل غیر قانونی ہے۔ حکومت کو پبلک سیکٹر میں کمپنیاں قائم کرنے کا کوئی اختیار نہیں ہے۔