جنوبی وزیرستان میں سکیورٹی فورسز کا آپریشن اسلحہ و گولہ بارود کا ذخیرہ برآمد، آئی ایس پی آر:بنوں میں تخریب کاری کامنصوبہ ناکا م،ٹوچی نالہ سے 3کلووزنی بم ڈھونڈ کر ناکارہ بنا دیا

راولپنڈی+بنوں (صباح نیوز)جنوبی وزیرستان میں سکیورٹی فورسز نے سرچ آپریشن کے دوران دہشتگردوں کے ٹھکانے سے اسلحہ اور گولہ بارود کا ذخیرہ برآمد کرلیا۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے جنوبی وزیرستان کی تحصیل برمل کے گاں منارہ میں آپریشن کے دوران بڑی تعداد میں اسلحہ اور بارودی مواد برآمد کرلیا۔ آپریشن میں راکٹ لانچرز، بھاری و ہلکی مشین گنیں اور بڑی تعدا میں گولیوں کے علاوہ بارودی مواد بھی شامل ہے۔ علاوہ ازیںبنوں پولیس کی خفیہ اطلاع پر کارروائی کرکے تخریب کاری کا منصوبہ ناکام بنادیا ۔تفصیلات کے مطابق بنوں پولیس نے اطلاع پر نالہ ٹوچی سے 3 کلو وزنی بم برآمد کیا۔ جس پر بی ڈی سکواڈ نے موقع پر پہنچ کربم کو ناکارہ بنادیا۔