لاہور(سپورٹس رپورٹر +نمائندہ سپورٹس)ورلڈ بیس بال سافٹ بال کنفیڈریشن کی ہدایت پربیس بال فائیو کا پہلا نمائشی میچ بحریہ ٹائون میں کھیلا گیا ۔ پاکستان گرین نے پاکستان ریڈ کو 6کے مقابلے میں8رنز سے شکست دی۔ پاکستان گرین کے لئے سید محمد شاہ اور جہاداللہ نے 2رن، واحد ، عاشر عظیم ، محمد اویس اور مزمل خلیل نے ایک ایک رن سکورکیا۔ پاکستان ریڈ کے نورالامین نے 2رنز اور ذیشان ، سید محب ، عزیز الرحمن اور محمد حسین نے ایک ایک رن بنا یا۔ مہمان خصوصی سید فخر علی شاہ صدر پاکستان فیڈریشن بیس بال نے کھلاڑیوں اور آفیشلز کو بیس بال فائیو کے قوانین و ضوابط بتائے ۔