اسلام آباد ( سپورٹس رپورٹر)پاکستان اور بنگلہ دیش کے درمیان دو ٹیسٹ میچوں کی سیریز کا پہلا میچ (آج)جمعہ سے پنڈی کرکٹ سٹیڈیم میں کھیلا جائے گا۔بنگلہ دیش کرکٹ ٹیم پہلی بار راولپنڈی میں ٹیسٹ میچ کھیلے گی۔پہلے میچ سے قبل دونوں ٹیموں نے سٹیڈیم میں بھرپور پریکٹس کی۔پاکستان کرکٹ ٹیم بنگلہ دیش کے خلاف اب تک کھیلے گئے ٹیسٹ میچز میں ناقابل شکست ہیدوسری جانب تفصیلات کے مطابق پاکستان اور بنگلہ دیش کے درمیان پہلاٹیسٹ (آج)جمعہ سے راولپنڈی کرکٹ سٹیڈیم میں شروع ہو گا ۔سات فروری کو صبح ساڑھے نو بجے ٹاس ہوگا اور صبح 10بجے میچ کا آغاز ہوگا ۔جمعہ کے روز پہلا سیشن صبح 10سے ساڑھے بارہ بجے تک جاری رہے گا ۔