ڈی آئی جی آپریشنز کاڈولفن ہیڈکوارٹرزکادورہ‘گارڈ آف آنر پیش 

لاہور(نمائندہ خصوصی)ڈی آئی جی آپریشنز لاہورساجد کیانی نے ڈولفن ہیڈکوارٹرزوالٹن کا دورہ کیا۔ایس پی ڈولفن سکواڈ راشد ہدایت سمیت متعلقہ پولیس افسروں نے ڈی آئی جی آپریشنز کا استقبال کیا۔ڈولفن سکواڈ کے چاق و چوبند دستے نے ڈی آئی جی آپریشنز کو گارڈ آف آنر پیش کیا ۔ساجد کیانی نے ڈولفن ہیڈ کورارٹرز کے احاطہ میں ایروکیریا کا پودا لگایا۔ایس پی راشد ہدایت نے ڈی آئی آپریشنز کو ڈولفن اورپولیس ریسپانس یونٹ کی استعداد کار بارے بریفنگ دی۔ ڈی آئی جی آپریشنز لاہورساجد کیانی نے کہا کہ  سٹریٹ کرائم کے تدارک کے لیے ڈولفن سکواڈ کا اہم ترین کردار ہے۔ڈولفن سکواڈ اور پی آر یو ٹیموں کی موثر پٹرولنگ سے وارداتوں میں مزید کمی لائی جاسکتی ہے۔علاوہ ازیں ڈی آئی جی آپریشنز لاہورساجد کیانی نے جناح ہسپتال کا دورہ کیا اورگذشتہ رات دوران ڈیوٹی موٹر سائیکل حادثہ کے دوران زخمی ہونے والے ڈولفن اہلکارکانسٹیبل واجد کی عیادت کی ۔