پی ایس ایل : لاہور قلندرز‘کوئٹہ گلیڈی ایٹرز آج مد مقابل 

لاہور (سپورٹس رپورٹر)پاکستان سپر لیگ میں آج لاہور قلندرز اور کوئٹہ گلیڈی ایٹرز کی ٹیمیں مد مقابل ہو نگی ۔ میچ شام ساڑھے سات بجے نیشنل سٹیڈیم کراچی میں کھیلا جائیگا ۔ پہلے مرحلے کا یہ آخری میچ ہوگاجس کے بعد ٹیمیں دوسرے مرحلے کیلئے لاہور روانہ ہوجائیں گی ۔پاکستان سپر لیگ سیزن سیون کے دوسرے اور آخری مرحلے کیلئے ٹیموں کی لاہور آمد آج سے شروع ہو گی۔اسلام آباد یونائیٹڈ ، پشاور زلمی اور ملتان سلطانز کی ٹیم آج لاہور پہنچیں گی جبکہ لاہور قلندرز، کوئٹہ گلیڈی ایٹرز اور کراچی کنگز 8 فروری کو لاہور پہنچیں گی۔ٹیمیں ہائی پرفارمنس سنٹر اور ایل سی سی اے گراونڈ میں ٹریننگ کریں گی۔پاکستان سپر لیگ کا دوسرا مرحلہ 10 فروری سے قذافی سٹیڈیم لاہور میں شروع ہو گا۔