لاہور (سپورٹس رپورٹر)پی ایس ایل ٹیم کوئٹہ گلیڈی ایٹرز کے مینٹور  سر ویوین رچرڈز نے کہا ہے کہ پاکستان آکر کافی اچھا لگ رہا ہے۔ ٹیم سے کہا ہے کہ اچھے برے دن ہوتے ہیں، ابھی اچھا نہیں ہو رہا، مگر کم بیک کریں گے، سرفراز احمد کی شخصیت پسند ہے، وہ میرے دل کے قریب ہیں، سرفراز احمد میں اپنے اہداف حاصل کرنے کی صلاحیتیں موجود ہیں، میری طرح سرفراز بھی اپنے جذبات ظاہر کردیتے ہیں۔ پاکستان سپر لیگ میں دنیا کا بہترین فاسٹ بائولنگ ٹیلنٹ نظر آتا ہے اور مقابلے کے معیار کے حساب سے یہ دنیا کی بہترین لیگز میں سے ایک ہے۔ امید ظاہر کی کہ کوئٹہ گلیڈی ایٹرز کی ٹیم جلد فارم میں واپس آجائیگی۔ بابر اعظم بلاشبہ بہترین کرکٹر ‘ ان کا کھیل ایسا ہے جیسا باکسنگ میں محمد علی کا تھا، وہ آپ کو گھاؤ دیتا ہے، تھکاتا ہے، اس کو کھیلتا دیکھ ہر کسی کو لطف آتا ہے۔سرفراز احمد ہدف حاصل کرنا جانتے ہیں ۔  سرفراز احمد فارم حاصل کریں گے۔ ٹیم کا آغاز ویسا نہیں ہوا جیسا چاہتے تھے، گلیڈی ایٹرز کے پاس ایسے کھلاڑی موجود ہیں جو ٹیم کو اس صورتحال سے باہر نکال سکتے ہیں‘ ایسا جلد کریں گے۔پاکستان سپر لیگ دنیا کی بہترین لیگز میں سے ایک ہے، اس کا معیار کافی اوپر ہے‘ دنیا کے بہترین فاسٹ بائولرز ملتے ہیں، پاکستان کے نوجوان ٹیلنٹ کی بھی بہترین نشونما ہوئی ہے اور امید ہے یہ سلسلہ آئندہ بھی جاری رہے گا۔ دنیا بھر میں جتنی بھی لیگز ہورہی ہیں اگر ان تمام میں مقابلے کا رحجان دیکھیں تو اس حساب سے پی ایس ایل سب سے بہتر ہے۔