آئی سی سی انڈر 19 بہترین ٹیم میں 2 پاکستانی شامل

لاہور(سپورٹس رپورٹر)انٹرنیشنل کرکٹ کونسل نے انڈر 19 ورلڈ کپ کے بعد بہترین ٹیم کا اعلان کردیا ہے۔آئی سی سی کی جانب سے اعلان کردہ انڈر 19 ورلڈ کپ ٹیم میں دو پاکستانی کھلاڑیوں کو بھی شامل کیا گیا ہے۔حسیب اللہ خان اور اویس علی کو آئی سی سی ٹیم آف دی ٹورنامنٹ میں شامل کیا گیا ہے۔انٹرنیشنل کرکٹ کونسل ٹیم آف دی ٹورنامنٹ میں بھارت کے یش دھل کو کپتان مقرر کیا گیا ہے۔ٹیم میں آسٹریلیا کے ٹیگ ویلائی ‘جنوبی افریقہ کے ڈیوالڈ بریوس ‘انگلینڈ کے ٹام پریسٹ ‘بنگلہ دیش کے ریپون منڈل ‘انگلینڈ کے جوش بوائیڈن اور افغانستان کے نور احمد شامل ہیں ۔