راولپنڈی (اپنے سٹاف رپورٹرسے)تھانہ صادق آبادکے علاقے خرم کالونی میں جائیداد کے تنازعہ پر دوگروپوں میںفائرنگ سے ایک شخص شدید زخمی ہو گیا ایس ایس پی آپریشنز وسیم ریاض نے نوٹس لے لیا فائرنگ کی اطلاع ملتے ہی ایس ایچ او صادق آباد نفری کے ہمراہ موقع پر پہنچ گئے ابتدائی تحقیقات کے مطابق دونوں فریقین کے مابین پراپرٹی کے تنازع پر جھگڑا ہوا، فائرنگ سے زخمی شخص کی شناخت شیخ اسد کے نام سے ہوئی جسے فوری ہسپتال منتقل کیا گیا ہے زخمی کی حالت خطرے سے باہر ہے ایس ایچ او صادق آباد کے مطابق موقع سے شواہد اکٹھے کئے جا رہے ہیں ملزمان کو گرفتار کر کے قانون کے کٹہرے میں لایا جائے گا۔