آل پرائیویٹ سکولز ، لاہور سکول سسٹم ، نوائے وقت گروپ کے زیراہتمام سپورٹس گالا

لاہور (سپورٹس رپورٹر) آل پاکستان پرائیویٹ سکولز فیڈریشن اور لاہور سکول سسٹم اور نوائے وقت میڈیا گروپ کے مشترکہ زیراہتمام لاہور سکول سسٹم کی تمام 53 برانچز میں سپورٹس گالا 2023 کا انعقاد کیا گیا جس میں طلباء و طالبات کی کثیر تعداد موجود تھی۔ مہمانان گراہم گیس کنٹری ہیڈ ہیلتھ اینڈ ایجوکیشن برٹش ہائی کمشن‘ ڈاؤیاو ڈائریکٹر پولیٹیکل افیئرز کونسلیٹ جنرل چائنہ ‘ فیڈرل شیخ انریری کونسل کونسلیٹ جنرل لاہور فلپائن‘ صائمہ انور سینئر ایجوکیشن ایڈوائزر برٹش ہائی کمشن‘ کاشف مرزا آل پاکستان پرائیویٹ سکولز فیڈریشن‘ مرزا حسنین عباس چیئرمین لاہور سکول سسٹم‘ مرزا کاشف علی صدر آل پاکستان پرائیویٹ سکولز فیڈریشن‘ بلال محمود ڈائریکٹر مارکیٹنگ نوائے وقت میڈیا گروپ مرزا عاطق علی ڈائریکٹر لاہور سکول سسٹم‘ کرکٹر عثمان قادر‘ شاہ رخ خان صدر جرمن مسلم کونسل اینڈ فرینڈز اور مختلف مکاتب فکر سے تعلق رکھنے والی شخصیات نے شرکت کی۔ آل پاکستان پرائیویٹ سکولز فیڈریشن اور لاہور سکول سسٹم کے زیراہتمام پروقار سپورٹس گالا 2023 تقریب میں طلبہ و طالبات کو بہترین کارکردگی کی بناء پر ایوارڈز سے نوازا گیا۔ خطاب کرنے والے دیگر مقررین میں مرزا حسنین عباس چیئرمین لاہور سکول سسٹم‘ شاہد نور‘ مرزا عاطق علی ڈائریکٹر لاہور سکول سسٹم‘ کرکٹر عثمان قادر‘ شاہ رخ خان صدر جرمن مسلم کونسل اینڈ فرینڈز اور دیگر شامل تھے۔