میہڑ، ٹنڈوالہیار میں پولیس مقابلے ،10 ڈاکو گرفتار ،1زخمی 

میہڑ +ٹنڈوالہٰیار (نامہ نگار+ بیورو رپورٹ) میہڑ کے  مختلف علاقوں میں  3 مبینہ پولیس مقابلوں اور چھاپوں  میں 9 ڈاکو گرفتار، اسلحہ موٹر سائیکل اور منشیات برآمد۔ فرار ڈاکوں کیلئے علاقوں کی ناکہ بندی ۔تفصیلات کے مطابق پیر کے روز ایس ایس پی دادو ڈاکٹر عبدالخالق پیرزادو کی ہدایات پر پولیس نے جرائم پیشہ ملزمان کیخلاف آپریشن شروع کر دیا ہے۔  اس سلسلے میں میہڑ تھانہ بی سیکشن کی پولیس نے ایس ایچ او نور مصطفی پٹھان،اے ایس آئی محمد پریل سمیجو کی قیادت میں پولیس گشت کر رہی تھی کہ اچانک بیٹو روڈ پر گنجا موری کے علاقے میں جرائم کے ارادے سے کھڑے ڈاکوں اور پولیس میں مبینہ مقابلہ ہو گیا۔ مقابلے میں پولیس دو ڈاکوں گل محمد اور آچر لغاری کو گرفتار کرکے ان سے پسٹل اور ڈنڈا بر آمد کرلیا۔ دیگر ڈاکو فرار ہونے میں کامیاب ہو گئے ہیں ،پولیس نے علاقہ کی ناکہ بندی کردی ہے۔ ادھر تحصیل کے کچے کے تھانہ بنڈ ماڑی کے ایس ایچ او مختیار بالادی بھی علاقے میں گشت تھے۔جس کا بھی ڈاکوں سے مبینہ مقابلہ ہو گیا ہے۔ پولیس نے مقابلے میں 2 ڈاکو سنیل چانڈیو اور حبدار چانڈیو کو گرفتار کرکے رپیٹر۔ ڈنڈہ اور مسروقہ موٹر سائیکل بر آمد کرلی ہے۔ دوسری طرف ضلعی ہیڈ کوارٹر تہانہ بی سیکشن کے ایس ایچ او غلام حیدر چانڈیو کا پولیس کے ہمراہ ڈاکوں سے مبینہ مقابلہ ہو گیا۔ پولیس نے 2 ڈاکوں یامین اور اکبر لغاری کو گرفتار کرکے اسلحہ بر آمد کرنے کی دعوی کرلی ہے۔ جبکہ 2 ڈاکو فرار ہونے میں کامیاب ہو گئے ہیں  دریں اثناء  میہڑ سمیت ضلعی پولیس اور سی آئی اے پولیس نے مختلف علاقوں میں کاروائہ کرکے چھاپے مار کر 3 ملزمان شوکت علی کہوسو۔ میہڑ محمد بر ڑو اور آفتاب بھنڈ کو گرفتار کرکے ان سے اسلحہ اور منشیات برآمد کرلی ہے۔ ایس ایس پی دادو ڈاکٹر عبدالخالق پیرزادو نے کہا ہے کہ ضلعہ بہر میں  ڈاکوں۔جرائم پیشہ ملزمان کیخلاف آپریشن شروع کر دیا ہے۔ پولیس کو الرٹ کردیا گیا ہے۔ پولیس ضلعے بھر میں چہا پے اور کاروایاں کر رہی ہے۔ گرفتار ڈاکو جرائم پیشہ ہیں۔ ضلعے میں اب امن قائم ہے۔ ٹنڈوالہٰیار میں مبینہ پولیس مقابلہ زخمی حالت میں ایک ڈاکو گرفتار اسلحہ چھینی گئی موٹر سائیکل برآمد کرلی۔ تفصیلات کے مطابق ٹنڈوالہ یار کے  بکیرہ شریف تھانے  کی حدود میں واقع جمپ موری شیخ بھرکیو روڈ پر پولیس گشت کے دوران مسلح افراد کی اطلاع ملی پولیس نے بروقت پہنچ کر ڈاکوؤں کو گرفتاری دینے کا کہا جس کے بعد ڈاکوؤں نے فرار ہونے کی کوشش کی جس پر پویس کی مبینہ فائرنگ سے ایک ڈاکو زخمی ہوگیا جس کی شناخت رمضان عرف رجو مگسی کے نام سے ہوئی ہے جبکہ دیگر  ڈاکو فرار ہونے میں کامیاب ہوگئے جبکہ گرفتار ڈاکو  کے قبضے سے ایک عدد بگ مائوزر بمعہ 6 عدد گولیاں بھی برآمد کرلی ہیں گرفتار ڈاکو  ٹنڈوجام،حیدرآباد،راہوکی تھانے میں بھی 8 سے زائد مقدمات میں پولیس کو مطلوب ہے اسکی  مزید تفتیش کی  جاری ہے دیگر ملزمان کی گرفتاری کیلئے بھی چھاپے مارے جارہے ہیں وہ بھی جلد پولیس کی گرفت میں ہونگے۔