لاڑکانہ(بیورورپورٹ) لاڑکانہ پولیس نے جرائم پیشہ افراد کے خلاف کاروائیاں کرتے ہوئے مختلف علاقوں سے 6 اشتہاری، مطلوب و سرگرم ملزمان کو گرفتار کرکے ان کے قبضے سے غیر قانونی اسلحہ، منشیات، کار، چوری شدہ اور چھیننی گئی موٹرسائیکلیں  برآمد کرلی ہیں، تفصیلات کے مطابق نوڈیرو پولیس نے دوران چیکنگ سرگرم ملزم نظام ناریجو کو بغیر لائسنس پسٹل اور گولیوں سمیت، سچل پولیس نے پولیس مقابلوں، غیر قانونی اسلحہ اور چوریوں جیسے سنگین نوعیت کے 17 مقدمات میں اشتہاری ملزم ڈہیسر ولد پنہل ابڑو کو، اللہ پولیس نے دوران چیکنگ پولیس مقابلوں جیسے سنگین نوعیت کے دو سے زائد مقدمات میں روپوش ملزم آصف مگسی کو، تعلقہ پولیس نے دوران چیکنگ دو منشیات فروش ہادی بخش تونیو اور نبی بخش تونیو کو ایک کلو گرام چرس اور کار سمیت اور رتوڈیرو پولیس نے دوران گشت منشیات فروش فرید اگہم کو پاؤ چرس سمیت گرفتار کرلیا ہے، دوسری جانب دہامراہ پولیس نے شہری عمر ودہو کی چھینی گئی اور سچل پولیس نے شہری انصار جلبانی کی چوری شدہ موٹرسائیکلیں برآمد کرکے اصل مالکان کے حوالے کردی ہیں، پولیس کے مطابق گرفتار ملزمان کے خلاف ایسے مقدمات درج کرکے تفتیش شروع کردی گئی ہے۔