اسلام آباد (نامہ نگار )ڈائریکٹر جنرل ریڈیو پاکستان طاہر حسن کی خصوصی ہدایت پر ریڈیو پاکستان نے بھی یوم یکجہتی کشمیر کے حوالے سے خصوصی میراتھن نشریات ترتیب دیں، ریڈیوپاکستان کے پہلے انگریزی چینل Planet FM 87.6 اورشعبہ خبر اور حالات حاضرہ کے چینل میں یوم یکجہتی ِکشمیر کے موقع پر خصوصی نشریات کا اہتمام کیا گیا۔ ریڈیو پاکستان نے مظلوم کشمیریوں سے اظہار یکجہتی کیلئے خصوصی پروگرامز بھی نشر کیے۔ریڈیوپاکستان کے اولین انگریزی چینل Planet FM87.6 اور شعبہ خبر اور حالات حاضرہ کے چینل نے بھی مظلوم کشمیریوں سے اظہار یکجہتی کے لیے خصوصی نشریات کا اہتمام کیا جس میں سینیٹر فوزیہ ارشد،سابقہ ڈائریکٹر پاکستان ریسرچ سنٹر ریٹائرڈ کرنل خالد تیمور اکرم، کرنل ڈاکٹر طلعت شبیر، حریت رہنما مشعال ملک، ان کی صا حبزادی رضیہ سلطانہ، چیئرمین کشمیر کمپین گلوبل ظفر احمد قریشی، پروفیسر ڈاکٹر مجیب افضل اور پروفیسر ڈاکٹر منور حسین نے براہ راست شرکت کی جبکہ امریکہ میں مقیم معروف متحرک کشمیری کارکن سردار ظریف خان، نوجوان سماجی کارکن علیم خان خان اورسلمان سلیم خان نے انٹرنیٹ کے ذریعے پروگرام میں شر کت کر کے موقع کی مناسبت سے اپنے جذبات و خیالات کا اظہار کیا۔