راولپنڈی( سٹاف رپورٹر) راولپنڈی ویسٹ مینجمنٹ کمپنی نے بارش کے دوران شہرکی گلیوں، نالیوں کی صفائی کاکام مسلسل جاری رکھا ہواہے، بارشوں کے دوران آ ر ڈبلیو ایم سی کے ورکرز شہر کی سٹرکوں اور نالیوں کی بھرپور صفائی کر رہے ہیں،راولپنڈی ویسٹ مینجمنٹ کمپنی نے شہر میں گزشتہ روز ہونیوالی بارش میں صفائی کے خصوصی انتظامات کئے،صفائی ورکرز کی اضافی تعداد شہر میں تعینات کر دی گئی ہے،صفائی ورکرز نے برستی بارش میں ہی چھوٹی بڑی نالیوں کو اچھی طرح سے صاف کر دیا تاکہ شہر میں نکاسی آب کا کوئی مسئلہ پیدا نہ ہو، سی ای او آرڈبلیو ایم سی احمد نواز گوندل نے گزشتہ روزآپریشنل افسران سے ملاقات میں کہا کہ شہر بھر کی اورخاص کرنالیوں کی صفائی کی صورتحال کا معائنہ کرنے کیلئے مختلف مقامات کے اچانک دورے کر کے انتظامات کا جائزہ لیں تاکہ اس آپریشن میں کسی بھی قسم کی کو ئی کوتاہی نہ ہو ۔