میرپور خاص‘ پنجگور (آئی این پی + نوائے وقت رپورٹ) میرپور خاص سے سابق رکن سندھ اسمبلی وپی ایس46 سے پیپلز پارٹی کے نامزد امیدوار سید ذوالفقار علی شاہ پر سمن گوٹھ بائی پاس کے مقام پرفائرنگ کے دوران زخمی ہو گئے۔ جنہیں ابتدائی طبی امداد کے بعد کراچی منتقل کر دیا گیا۔ ذوالفقار شاہ کے قریبی ذرائع کے مطابق ان کی حالت میں بہتری آرہی ہے جبکہ فائرنگ کے  نتیجے میں گولی گردن سے لگتی ہوئی نکل گئی۔ بلاول بھٹو نے افسوس کا اظہارکرتے ہوئے ملزموں کی فوری گرفتاری اور عوام سے ذوالفقار علی شاہ کی صحت یابی کیلئے دعا کی اپیل کی۔ دوسری جانب الیکشن کمشن نے چیف سیکرٹری اور آئی جی سندھ سے فوری رپورٹ طلب کرتے ہوئے معاملہ پرقانونی کارروائی مکمل کرنے کی ہدایات جاری کر دیں۔ نادرا آفس واشک کے قریب دستی بم حملہ ہوا۔ پی پی 30 پر پیپلز پارٹی کے امیدوار آغا شاہ حسین کے گھر پر بھی دستی بم حملہ کیا گیا۔