نارنگ منڈی( نمائندہ نوائے وقت)نارنگ منڈی کی معروف علمی ادبی اور روحانی شخصیت صوفی پروفیسر حافظ محمدافضل فقیر رحمۃ اللہ علیہ کے 31 ویں عرس کی دو روزہ تقریبات اختتام پذیر اس موقع پرحافظ طاہر محمود کی زیرصدارت منعقدہ محفل ایصال ثواب میں مجاہدختم نبوت امیرتحریک فدایان ختم نبوت قاری محمدافضل باجوہ اور پروفیسر ڈاکٹر حافظ محمدارشاد نے خطاب کرتے ہوئے کہا صوفی محمدافضل فقیر رحمۃ اللہ علیہ عظیم عاشق رسول تھے ان کی لکھی گئی کتب اور اشعار میں عشق رسول واضح نظر آتا ہے ان جیسی عظیم شخصیت کو سمجھنے اور ان کے فرمودات پر عمل پیرا ہونے کی ضرورت ہے ۔