راولپنڈی(اپنے سٹاف رپورٹرسے) سابق وفاقی وزیر ڈاکٹرمصدق ملک نے کہا ہے کہ قائد ن لیگ نوازشریف نے حلقہ پی پی15سے مسلم لیگ ن کے ایک ورکر کوٹکٹ دیا اب آپ کی باری ہے اپنا وعدہ پوراکرےںاور ورکرکوجتاؤ،مسلم لیگ ن کو کبھی بھی لیول پلئینگ فیلڈ نہیں ملی مگر اس نے کبھی شکوہ نہیں کیا نہ اداروں پر حملے کیا،انشا اللہ 8فروری کو ملک بھرسے ن لیگ بھاری اکثریت سے کامیاب ہوکر وفاق سمیت صوبوں میں حکومتیں بنائے گی اورمیاں نوازشریف چوتھی مرتبہ وزیراعظم بن کرملک کوترقی کی شاہراہ پرگامزن کرینگے،عوام کے دکھوں کامداوا کرینگے،آپ نے باہرنکلنا ہے اورشیرکوووٹ دیکر کامیاب کرانا ہے ،ان خیالات کااظہارانہوں نے لالکڑتی میں ممبر کنٹونمنٹ بورڈ محمدجمیل ،حاجی شبیر, ملک امتیاز , رضوان یوسف , زہد مجید مرزا مصطفی کے زیراہتمام منعقدہ ایک بڑے جلسہ عام سے خطاب کرتے ہوئے کیا ،اس موقع پر ن لیگ کے امیدوارامیدوار این اے55ملک ابراراحمد،پی پی15ملک منصورافسر،پی پی14ملک افتخاراحمد، رشیداحمدخان،راجہ عرفان امتیاز،ارشدمحمودقریشی، محمد جمیل ،ملک صبور،چوہدری ظہور،عبیدودیگرنے بھی خطاب کیا۔