راولپنڈی(اپنے سٹاف رپورٹر سے )مسلم لیگ ن کے رہنما و حلقہ این اے 57 سے امیدوار بیرسٹر دانیال چوہدری نے کہا کہ خواتین مسلم لیگ ن کی کامیابی میں اہم کردار ادا کرینگی ۔ راولپنڈی میں خواتین کو بہترین سفری سہولیات فراہم کی۔ا قتدار میںآنے کے بعد خواتینکیلئے اور منصوبے شروع کرینگے ۔ ان خیالات کا اظہار انہوں نے یونین کونسل 30 میں مسلم لیگ ن شعبہ خواتین کی جنرل سیکرٹری محترمہ گل افرین کی طرف سے خواتین کی منقدہ کارنر میٹنگ سے خطاب کرتے ہوئے کیا۔ بیرسٹر دانیال چوہدری کا کہنا تھا کہ خواتین نے 8 فروری کو اپنا ووٹ شیر کو دینا ہے ۔ پی پی 18 کے امیدوار سجاد خان کا کہنا تھا کہ قائد میاں نواز شریف راولپنڈی کی عوام کا دل رکھتے ہیں میاں نواز شریف کی قیادت میں ملک ایک مرتبہ پھر ترقی کرے گا کارنر مٹینگ سے مسلم لیگ ن شعبہ خواتین کی جنرل سیکرٹری گل افرین، مسلم لیگ ن کے سینئر رہنما راجہ اسرار اور سابق ایم پی ایز زیب النساء اعوان تحسین فواد دیگر نے مسلم لیگ ن کے امیدواروں کو مبارکباد پیشکرتے ہوئے کہا کہ راولپنڈی کی عوام نے ن لیگ کے حق میں فیصلہ سناد یا ہے ۔ 8 فروری کو ہر طرف سے شیر کی آوازآئے گی ۔