پی ٹی آئی کی وکٹ گر گئی،چوہدری شفقت محمود کالیگی امیدواروں کی حمایت کا اعلان 

کلرسیداں(نامہ نگار) مسلم لیگی امیدواروں نے پاور شو کرتے ہوئے انتخابی مہم کے آخری روز فیض آباد سے سینکڑوں گاڑیوں پر مشتمل ریلی نکالی جس کی قیادت راجہ اسامہ سرور،بلال یامین ستی اور راجہ صغیر احمد نے کی ۔ریلی کوٹلی ستیاں کے بڑے قصبہ لہتراڑ سے ہوتی ہوئی کہوٹہ پہنچی جہاں مسلم لیگ ن کہوٹہ سٹی کے صدر ڈاکٹر محمد عارف قریشی اور دیگر نے شرکا کا استقبال کیا ۔پرجوش شرکا کہوٹہ سے بیور ،نا رہ، مٹور ،تھوہا خالصہ کے راستے چوکپنڈوری پہنچے جہاں مسلم لیگ ن کلر سٹی کے صدر چوہدری اخلاق حسین،شیخ حسن ریاض،چوہدری زین العابدین عباس،راجہ ظفر محمود،محمد ظریف راجا،نمبردار اسد عزیز،شیخ حسن سرائیکی،سردار وسیم احمد،شیخ ندیم احمد،شیخ شعور قدوس،شیخ تیمور قدوس،شیخ سلیمان شمسی،خان عثمان یوسفزئی،شیخ ہادی،شیخ توقیر احمد ،شیخ زین سمیت سینکڑ وں کارکنوں نے استقبال کیا اور ریلی کو کلرسیداں لایا گیا جہاں اسامہ سرور نے کارکنوں کا شکریہ ادا کرتے ہوئے کہا کہ مسلم لیگ ن الیکشن میں بھاری اکثریت سے کامیابی حاصل کرے گی اور نواز شریف ملک کے چوتھی بار وزیراعظم منتخب ہوں گے۔ اس کے بعد اسامہ سرور،راجہ صغیر احمد نے مقامی رہنماوں کے ہمراہ پی ٹی آئی کے رہنما سابق چیئرمین یوسی نلہ مسلماناں چوہدری شفقت محمود سے ملاقات کی اور انہیں ساتھ چلنے کی دعوت دی جو انہوں نے قبول کرلی اور انتخابات میں مسلم لیگ ن کے امیدواروں راجہ اسامہ سرور اور راجہ صغیر احمد کی حمایت کا اعلان کیا جس پر لیگی امیدواروں و دیگر نے ان کا شکریہ ادا کیا۔