لاہور(سپورٹس رپورٹر)آسٹریلیا نے ون ڈے کی تاریخ میںگیندوںکے اعبتار سے سب سے بڑی فتح سمیٹ لی،کینبرا میں کھیلے گئے سیریز کے تیسرے اور آخری ون ڈے میں ویسٹ انڈیز کی پوری ٹیم محض 24.1اوورز میں 86رنز بناکر آل آئوٹ ہوئی، محض تین کھلاڑی ڈبل فیگر میں داخل ہوسکے، ایلک ایتھنیز 32، کیسی کارٹی 10جبکہ روسٹن چیس 12رنز بناکر نمایاں رہے،زیویر بارٹلیٹ نے 4وکٹیں حاصل کیں، آسٹریلوی ٹیم نے 87رنز کا ہدف محض 6.5اوورز میں 2وکٹوں کے نقصان پر حاصل کرلیا، (259) گیندوںکے اعتبار سے جیت کینگروز کی اب تک کی سب سے بڑی فتوحات میں سے ایک ہے۔