انڈر 19کرکٹ ورلڈ کپ ‘بھارت جنوبی افریقہ کو ہرا کر فائنل میں پہنچ گیا 

لاہور(سپورٹس رپورٹر)بھارت جنوبی افریقہ کو 2وکٹوں سے ہرا کر انڈر19کرکٹ ورلڈ کپ کے فا ئنل میں پہنچ گیا ۔ پاکستان اور آسٹریلیا کے درمیان دوسرا سیمی فائنل کل کھیلا جائیگا۔ بنونی میں کھیلے گئے ایونٹ کے پہلے سیمی فائنل میں میزبان جنوبی افریقہ نے 7وکٹوں پر 244رنز بنائے ۔ لہوان ڈری پریٹوریس نے 76اور رچرڈ سیلٹ سوانے نے 64رنز کی اننگز کھیلی ۔ راج لمبانی نے تین کھلاڑیوں کو آئوٹ کیا ۔ بھارت نے ہدف 48.5اوورز میں 8وکٹوںپرپوراکرلیا ۔ کپتان اڈے سہارام 81اور سچن دھاس 96رنز بناکر نمایاں رہے ۔ کوینا مفاکا اورٹرسٹن لوئوس نے تین تین کھلاڑیوں کو آئوٹ کیا ۔ اڈے سہارام کو میچ کا بہترین کھلاڑی قرار دیا گیا ۔ پاکستان اور آسٹریلیا کے درمیان دوسرا سیمی فائنل دن ایک بجے بنونی میں شروع ہوگا۔ایونٹ کا فائنل 11فروری کو کھیلا جائیگا۔