لاہور+سیالکوٹ(سپورٹس رپورٹر+نامہ نگار)  نیشنل ہاکی چیمپئن شپ کے کوارٹر فائنل میچ آج سے شروع ہونگے۔ نیشنل بنک، نیوی، ایچ ای سی، واپڈا، پی آئی اے، پنجاب، آرمی اور سوئی سدرن گیس کمپنی کی ٹیمیں مد مقابل ہونگی۔ کسٹمز، پی ٹی وی اور پی آئی اے نے  حریف ٹیموں کو شکست دی۔ کسٹمز  ٹیم نے پورٹ قاسم اتھارٹی کو تین ایک سے ہرایا۔ پی ٹی وی نے پولیس ٹیم کو دو ایک سے مات دی۔  پی آئی اے نے ریلوے کو چھ ایک سے زیر کیا۔ ٹورنامنٹ میں آج پہلے دو کوارٹر فائنل کھیلے جائیں گے جس میں نیشنل بنک کا مقابلہ نیوی سے جبکہ ایچ ای سی کا مقابلہ واپڈا سے ہوگا۔