انگلش کیوسٹ رونی اوسلو لیوان800سنچری بریکس بنانیوالے دنیا کے پہلے کھلاڑی بن گئے

لندن (سپورٹس ڈیسک) انگلینڈ کے رونی اوسو لیوان نے سنوکر چمپیئنز لیگ کا گروپ ون میں فتح کے ساتھ ہی کیریئر میں 800 سنچری بریکس بنانے والے دنیا کے پہلے سنوکر کھلاڑی بن گئے ہیں۔40 سالہ انگلش کھلاڑی نے ریکارڈ سنگ میل عبور کرنے کے لیے انگلینڈ کے ہی بیری ہاکنز کے خلاف گروپ مرحلے کے آخری میچ میں 136 کا بریک کھیلا۔ اوسلووان کا کہنا تھا کہ مجھے چند میچوں میں کامیابی پر خوشی ہے اور اب میں ماسٹرز کے لیے پرامید ہوں۔800سنچری بریکس کا سنگ میل عبور کرنا بہت اچھا لگا اور ایک ہزار ہوں گے تو اچھا لگے گا لیکن اس کے لیے مجھے اگلے تین سے چار سال تک کھیلنا ہوگا۔