لاہور (سٹاف رپورٹر) شہر میں ڈاکوئوں اور چوروں نے شہریوں کو لاکھوں مالیت کی نقدی، زیورات و قیمتی سامان سے محروم کردیا۔ ڈاکوئوں نے تھانہ مناواں کے علاقہ میں عابد کے گھر سے 2 لاکھ60 ہزار مالیت کی نقدی و زیورات، تھانہ لاری اڈا کے علاقہ میں رحمان سے 2 لاکھ 40 ہزارمالیت کی نقدی و زیورات، تھانہ چوہنگ کے علاقہ میں عباس کی فیملی سے 3 لاکھ 40 ہزار مالیت کی نقدی و زیورات، تھانہ سول لائن کے علاقہ میں رفیق کے گھر سے 3 لاکھ 68 ہزار مالیت کی نقدی و زیورات، تھانہ لٹن روڈ کے علاقہ میں فاروق کے گھر سے 2 لاکھ 80 ہزار مالیت کی نقدی و زیورات، تھانہ بادامی باغ کے علاقہ میں اسد کی فیملی سے 95 ہزارمالیت کی نقدی و موبائل فون لوٹ لیا۔ مغلپورہ میں علیم، جوہر ٹائون میں دائود نواز کی گاڑیاںاور باغبانپورہ میں اظہار، نواب ٹائون میں یوسف، ریس کورس میں جاوید، گارڈن ٹائون میں شبیر اور ہنجروال میں کاشف کی موٹر سائیکلیں چوری کرلی گئیں۔