آل کراچی قائداعظم ڈے ووشو کنگفو چیمپئن شپ

کراچی ( اسپورٹس رپورٹر رپورٹر) سندھ ووشو کنگفو ایسوسی ایشن کے زیراہتمام آل کراچی قائداعظم ڈے ووشو کنگفو چیمپئن شپ 2019 کا ، کراس ایلیٹ کلب پنجاب ٹائون نذد شمسی سوسائٹی کراچی انٹرنیشنل ائرپورٹ ڈسٹرکٹ کورنگی میں منعقد کیاگیا،جس میں کراچی بھر کے ووشو کے کھلاڑیوں نے حصہ لیا۔ افتتاحی تقریب کے مہمان خصوصی سابق اولمپئین و پروفیشنل باکسر عبدالرشید بلوچ اور سندھ ووشو کنگفو ایسوسی ایشن کے چیئرمین ، گولڈمیڈلسٹ پروموشن آف اسپورٹس گورنمنٹ سندھ سعید عالم نے مشترکہ طور پر ربن کاٹ کر باقاعدہ چیمپئن شپ کا افتتاح کیا، کراچی ووشو کنگفو چیمپئن شپ میں آٹھ ویٹ کیٹیگری کے مقابلے ہوئے چیمپیئن شپ کی نسبت قائداعظم اور امن کا پیغام اصل مقصد تھا اس قائداعظم ڈے کی مناسبت سے سابق اولمپئین باکسر نے اپنے بیان میں کہا کہ یہ پاک وطن ہمیں اپنے بزرگوں کی بے پنا ہ قربانیوں کے بعد ملا ہے لہذا کھلاڑی امن کا سفیر ہوتا ہے اور ہم سب نے مل کر
اس دھرتی کا امن برقرار رکھنا ہے جبکہ چیمپئن شپ کے اختتامی تقریب کے مہمان خصوصی چارٹراکاونٹ لندن احمد عبدالؑظیم تھے، تمام آفیشل، انسٹرکٹرز کا تعارف کرایا گیا۔ سندھ ووشو کنگفو ایسوسی ایشن کے سیکریٹری عبدالو ہاب درانی کی محنت اور کاوشوں کو سہراتے ہوئے سندھ ووشو کے چیئرمین اور سندھ ووشو کنگفو ایسوسی ایشن کی پوری ٹیم کو مبارکباد پیش کی اور شکریہ ادا کیا۔