ترکی، شہرہ آفاق مصور پیکاسوکے فن پاروں کی نمائش

انقرہ (اے پی پی) ترکی میں شہرہ آفاق مصور پیکاسو کے شاندار فن پاروں کی نمائش کا اہتمام کیا گیا ہے۔ ترک نشریاتی ادارے کے مطابق انقرہ میں پیرس پیکاسو نیشنل میوزیم کے تعاون سے آرکاس آرٹ سنٹر میں منعقدہ نمائش میں عالمی شہرت یافتہ ماتادور، ایکروبیٹ اور وومن ودھ بلیو ہیٹ نامی تصاویر کو شائقین کے سامنے پیش کیا گیا۔ نمائش میں شاندار نمونوں کو تقریباً ڈیڑھ لاکھ افراد نے دیکھا اور خراج تحسین پیش کیا۔