لفظ”انشااللہ“جرمنی کی معروف لغت میں شامل

جرمنی کی معروف ترین لغت Duden میں عربی لفظ ”انشا اللہ“کو اب جرمن لفظ کے طور پر شامل کرلیا گیا۔اس لغت میں انشاء اللہ کے معنی 'اگر اللہ نے چاہا' کے طور پر درج کیے گئے ہیں۔اسپٹنک کی رپورٹ کے مطابق فی الحال اس لفظ کو صرف لغت کی ویب سائٹ پر درج کیا گیا ہے تاہم پرنٹ ورڑن میں کب تک درج کیا جائے گا اس حوالے سے کوئی تفصیلات سامنے نہیں آئیں۔لفظ 'انشائ اللہ اہل اسلام کی جانب سے کثرت سے استعمال کیا جانے والا لفظ ہے جو کسی کام کے خیریت سے ہوجانے کی امید پر بطور دعا کہا جاتا ہے۔جرمنی میں تقریباً 5 لاکھ مسلمان ہیں اور یہ یورپ میں مسلمانوں کی دوسرے نمبر پر سب سے بڑی تعداد ہے۔واضح رہے کہ duden جرمنی کی مقبول ترین لغت ہے جو سال 1880 سے شائع ہورہی ہے اور اب اس کا 27ویں ورڑن آرہا ہے۔