سعودی عرب کے مقدس شہر مدینہ منورہ میں دن کے وقت سڑک پر گھومتے بھیڑیے کی ویڈیو سوشل میڈیا پر وائرل ہوگئی۔ سعودی ذرائع ابلاغ کے مطابق ایک مقامی شہری نے گزشتہ روز مدینہ منورہ کے الغربیہ پٹرول سٹیشن اور القم سپر مارکیٹ کے درمیان بھیڑیے کو گھومتے اور پھر برج پر چڑھتے ہوئے دیکھ کر اس کی ویڈیو سوشل میڈیا پر اپ لوڈ کرتے ہوئے بچوں کو خبردار کیا کہ یہاں بھیڑیا گھوم رہا ہے ہوشیار ر ہیں، تاہم یہ معلوم نہیں ہوسکا کہ بھیڑیا شہر میں کہاں سے آیا ہے اور شہریوں کو اس کے خطرات سے بچانے کے لیے متعلقہ حکام نے کیا کارروائی کی ہے۔