قندہار(این این آئی)افغانستان کے جنوبی صوبہ قندہار میں ایک فوجی ہیلی کاپٹر گرگرتباہ ہوگیا جس کے نتیجے میں دو پائلٹ زخمی ہوگئے۔ افغان وزارت دفاع کے ترجمان عنایت اللہ خواریزیمی کے حوالے سے افغان میڈیا نے بتایا ہے کہ یہ واقعہ صوبہ قندہار کے ضلع میوندمیںپیش آیا جہاں ایک فوجی ہیلی کاپٹرتربیتی پرواز پر تھا کہ فنی وجوہات کی بنا گرکر تباہ ہوگیا جس میں سوار دونوں پائلٹ زخمی ہوگئے تاہم ایک پائلٹ کی حالت نازک بتائی جاتی ہے۔ادھر سوشل میڈیا پر زیرگردش ویڈیو میں دیکھاجاسکتاہے کہ ہیلی کاپٹر چکرلگاتے ہوئے سیلابی پانی میں گرکرتباہ ہوجاتا ہے۔ بعض میڈیا  رپورٹس کے مطابق یہ ہیلی کاپٹر قندہار کے ہوائی اڈے سے اْڑان بھر کر ضلع میوند میں حالیہ سیلاب کے نتیجے میں پھنسے افراد کو نکالنے کے لئے آپریشن کررہا تھا جس کے دوران گرکرتباہ ہوگیا ۔
افغانستان ہیلی کاپٹر تباہ